ما فيش مخلوق يقدر يشترى الاحساس

ما فيش مخلوق يقدر يشترى الإحساس
ولا يقدر يشـــترى حـب الناس
لكن تقدر تشترى الكراس
و تدون فيه أحزانى و احلامى و في نهاية الكراس
هتعرف إن عن الإحساس أنا ما استغناش
و عجبي
على اللي قتل في زمنا الإخلاص
لأ و كمان عايش لسه بين الناس
يسألوه عنى و يقول كان و خلاص
هو دا اللي خلص الكراس

و مين يقدر يشترى في زمنا الإحساس ؟
هرويلكو حكايتي !!و راضيا بحكموا إنتوا يا ناس
كان حبي ليه فوق الراس
كان رضاه عندي أساس
كان حبه وهم و عيشته و أنا ماأدراش
كان بيرسملى امانى ضعيت فيها ببلاش
دخل في حياتى و مش بإيدي دخلته

إمتلك قلبي و كنت فاكره أنى إمتلكته
كنت بسقيه من حناني و كنت بشرب من قسوته
ضيعنى في حبه و أنا حفظته
زود أحزانى و أنا اللى كنت سبب فرحه
عاش لجرحى و أنا اللى دويتله جرحه
أتاريه أناني و أنا اللى طمعته

بكــــــاني و أنا اللى فرحته
و فجأة شوفت بعيني غدره .. و كدبه ...
و إن حبي عنده ما له أساس
و مين يا ناس يقدر يشترى الإحساس؟
أتارينى أنا اللى عطيته قلم للكراس
عشان يكتب في الكراس

حكاية جديدة هي حكايتي مع الإخلاص
دوئت معاه مر الكاس ........
و أنا من لهفتي صدقته و خلاص
اتاريه مخادع ... و ياما لعب بقلوب الناس
و أنا أنا كــنت من ضمن النــاس
و مين يقدر يشترى في زمانا الإحساس ؟
و إحكموا انتو يا ناس !!!!!!!
بس قبل ما تلوموني .. لومو اللى ما عندوش إحساس
لأ ... و لســه عايش بين النــاس
و لما يسألوه عنى يقول كان و خلاص
و عجبي ......
و اعرفوا إن أنا عن الإحساس بردوه ما ستغناش
و عجبي !!!!!!!
__________________
الفرعون الصغير

مشكور اخى فرعون على كلامك الجميل الرائع وابياتك المبدعة

موضوع جناااااااااااااااااااان
مششكوووووووووريا فرعون
تقبل مرورى
مودى